Deteníu un home por asesinar a un ñácaru de dos años y mancar al so hermanu ximielgu, fíos de la so pareya  

Trés díes de llutu en Linares pol asesinatu del neñu de dos años

La Policía Nacional prindó a un home como supuestu autor del asesinatu d'un neñu de dos años na localidá jienense de Linares, un socesu que, según la Delegación del Gobiernu escontra la Violencia de Xéneru, ta investigándose como un supuestu casu de violencia vicaria.

Fontes cercanes a la investigación informaron a EFE de que la muerte del neñu foi por un traumatismu craneoencefálicu tres recibir una brutal paliza al paecer de la pareya de so madre, un home de 30 años que foi deteníu.

L'hermanu ximielgu del muertu resultó mancáu de gravedá y foi treslladáu al hospital San Agustín de Linares con feríes de diversa considerancia, anque fontes sanitaries indicaron que ta fuera de peligru.